Ағымдағы жылы білім беру жүйесін қаржыландыруға 90,2 млрд. тенге қарастырылған, бұл өткен жылмен салыстырғанда 16,3% -ға жоғары.
Биыл 42 білім беру нысандарын күрделі жөндеу жұмыстарына 4,5 млрд.теңгеден астам қаржы бөлінді (30 мектеп, 5 бала бақша, 6 колледж, 1 қосымша білім беру мекемесі). Бұдан басқа, 460 млн.теңгеге 118 нысанда ағымдағы жөндеу жұмыстары атқарылуда. (101 мектеп, 12 балабақша, 5 мектептен тыс оқыту мекемелері).
Арасында Тараз қаласы мен Шу ауданында 7 мектептің (Тараз - 5, Шу ауданы - 2) күрделі жөндеу жұмыстары желтоқсан айында аяқталмақ.
Үстіміздегі жылы 6 балабақша ашылып, 390 бала мектепке дейінгі тәрбиемен қамтылды. «Нұрлы жол» бағдарламасы аясында 3 балабақша (280 орындық) және жергілікті бюджеттен 2 балабақшаның (140 орындық) құрылысы жыл соңына дейін аяқталады.
ҰБТ қорытындысы бойынша түлектердің алған орташа баллы биылғы жылы 78,71 балл (- 78,6 2015) болды.
Облыста мүмкіндігі шектеулі балалардың 89,5%-ы оқумен қамтылған.
Инклюзивті біліммен қамтылған балалар үлесі өткен жылға қарағанда өсіп, 25%-ды құрап отыр. Бүгінгі күні мектептердің 34%-нда (154 мектепте) мүмкіндігі шектеулі балалардың кедергісіз кіріп-шығуына жағдай жасалған. Бұл көрсеткіш Тараз қаласында – 19%, Байзақ ауданында – 18%, Жамбыл ауданында – 23,6%-ды құрайды.
Кеңес барысында облыс әкімімен нақты тапсырмалар берілді.
Аймақ басшысы мұғалімдерге алғыс сөздер айтып, қиын жұмыстарына сәттілік тіледі.
Тамыз кеңесінде, білім беру жүйесінің дамуына үлкен үлес қосқан, үздік мұғалімдерге құрмет грамоталары табысталуымен аяқталды.