Әбілдаев Тлеухан Шілдебайұлы 1962 жылы туылған, ұлты қазақ, білімі жоғары, 1985 жылы Алматы мемлекеттік медицина институтын «емдеу ісі» мамандығы бойынша бітірген.
Еңбек жолын 1983 жылы Алматы қаласының №2 қалалық клиникалық ауруханасында мейіргер болып бастаған.
1985-1986 жылдары Жамбыл облыстық ауруханасының интерн-дәрігері; 1986-1996 жылдары Талас орталық аудандық ауруханасының хирург дәрігері, хирургия бөлімшесінің меңгерушісі, бас дәрігердің орынбасары, бас дәрігері; 1996-1999 жылдары Жамбыл облыстық туберкулезге қарсы диспансерінің бас дәрігері; 1999-2005 жылдары Жамбыл облыстық денсаулық сақтау департаментінің бастығы; 2005-2009 жылдары Жамбыл облыстық туберкулезге қарсы диспансерінің бас дәрігері; 2009-2010 жылдары Қазақстан Республикасы Денсаулық сақтау министрлігінің Медициналық қызметке ақы төлеу комитетінің Жамбыл облысы бойынша департаментінің директоры; 2010-2016 жылдары Қазақстан Республикасы Денсаулық сақтау министрлігінің «Қазақстан Республикасының туберкулез мәселелері ұлттық орталығы» РМҚК-ның директоры; 2016 жылдың наурыз-маусым аралығында Қазақстан Республикасы Денсаулық сақтау және әлеуметтік даму министрлігінің «Республикалық денсаулық сақтауды дамыту орталығы» РМК бас директорының орынбасары; 2016 жылғы маусым-желтоқсан аралығында Қазақстан Республикасы Денсаулық сақтау және әлеуметтік даму министрлігінің Медициналық қызметке ақы төлеу комитетінің Алматы қаласы бойынша департаментінің басшысы қызметтерін атқарған.