Ерлан Қарин жаңа қызметке тағайындалды

Жаңалықтар
16.10.2014, 10:20

Саяси ғылымдар кандидаты Ерлан Тынымбайұлы Қарин Президент жанындағы стратегиялық зерттеулер институтының (КИСИ) директоры қызметіне тағайындалды. Бүгін яғни, бастықтар күні ұжымға жаңа басшыны Президент Әкімшілігінің жетекшісі Нұрлан Нығматулин таныстырды.

Стратегиялық зерттеулер орталығының қазіргі қызметі сын көтермейді. Оны институт жайында қалыптасқан қоғамдық пікірден-ақ аңғаруға болады. Ермұхамбет Ертісбаев, Мәулен Әшімбаевтардың тұсындағы беделінен айырылып қалғаны жайлы жиі айтылып жүретін. Бізге жеткен ақпаратқа сәйкес, Президент жанындағы стратегиялық зерттеулер институтының мәртебесі жөнінде құжат бекітіліп, алдағы уақытта бұл орталықтың рөлі күшейетін көрінеді. Ендеше, Ерлан Тынымбайұлының жаңа жұмысына сәттілік тілейміз!

6d9e3cfd50a182b6164649bd6f2

Өмірбаян

Ерлан Тынымбайұлы Қарин 1976 жылы 26 мамырда Оңтүстік Қазақстан облысының Сайрам ауданында дүниеге келген. Қ.Жұбанов атындағы Ақтөбе мемлекеттік университетін, Әл-Фараби атындағы Қазақ ұлттық университетінің аспирантурасын бітірген. Саясаттану ғылымдарының кандидаты. 1998 жылдан 2000 жылға дейін Қазақстан даму институтының Саяси зерттеу орталығында ғылыми қызметкер болып еңбек етті. 2005 жылдары Орта Азиялық саяси зерттеу агенттігінің директоры, 2005-2006 жылдары террорлыққа қарсы орталық бағдарламасының бағдарлама директоры қызметін атқарды. Маңғыстау облысы әкімінің кеңесшісі болды. Соңғы кезде Қазақстан Республикасы Президенті Әкімшілігінің Ішкі саясат бөлімінің меңгерушісі қызметін атқарды. 2008-2013 жылдары «Нұр Отан» ХДП хатшысы болды. «Құрмет» орденімен марапатталған.

 

Сұхбат

PhotoRoom