«ОҢТҮСТІК» АИО қаржыландырған жобалар аясында 41 мыңнан астам адам жұмыспен қамтылған

Жаңалықтар
03.10.2017, 23:44

«ОҢТҮСТІК» Аймақтық инвестициялық орталығы облыс кәсіпкерлеріне жылына жеті пайыздық мөлшерлемемен жеңілдетілген несие беру арқылы оларға қолдау көрсетіп келеді. Бұл туралы бүгін ОҚО Өңірлік коммуникациялар қызметінде өткен баспасөз конференциясында «Оңтүстік» аймақтық инвестициялық орталығының Басқарма төрағасы Қуаныш Байтөре айтты.a7bd535b-26a6-4821-9530-310e9e83b295 (1)

Оның айтуынша, қаржы орталығында кәсіпкерлер үшін бірқатар жеңілдіктер қарастырылған. Яғни, кепілдікке ауылдық жердегі мүлік алынады, бастапқы старт-ап жобалар қарастырылады. Тиімді өтеу кестесі жасалынады. Ең маңыздысы несиені рәсімдеу барысында ешқандай комиссиялар алынбайды.

«ОҢТҮСТІК» Аймақтық инвестициялық орталығы сегіз жылдық қызметі аясында өзінің экономикалық маңызы жағынан жоғары көрсеткіштерімен ерекшеленіп келеді. Атап көрсетсек, 2009 – 2017 жылдар аралығында облысымыздың он алты мыңнан астам тұрғыны жеңілдетілген несие және лизингке қол жеткізіп, кәсіпкерлікпен айналысуда, сондай-ақ, өзімен қоса бірнеше азаматтарды да жұмыспен қамтыған. Қаржыландырылған жобалар нәтижесінде жұмыспен қамтылғандар саны 41 181 адамға жетіп отыр. Жалпы қаржыландырылған он алты мыңнан астам жобаны жүзеге асыруға 49 774,4 млн. теңге бағытталды. Несиелендірілген жобалар аясында облыстық бюджетке жалпы сомасы 893,4 млн. теңге көлемінде салық төленді», - деді Басқарма төрағасы.

Сұхбат

PhotoRoom