Әкімдік мамандарының жұмыс кестесі өзгерді
Шымкент қаласы әкімдігі мамандарының жұмыс кестесі өзгерді. Қалалық әкімдіктің ішкі тәртібі бойынша 2017 жылдың қазан айынан бастап әкімдік аппаратының және бөлімдерінің жұмыс кестесі өзгерді. Енді жұмыс күні таңғы сағат 08:30-дан бастап кешкі сағат 18:00-ге дейін созылады. Түскі үзіліс - 13:00-ден 14:30-ға дейінгі аралықты қамтиды.
Айта кетейік, жаңа жұмыс кестесі шұғыл қызметтерге қатысты емес.
- Жаңа жұмыс тәртібіне ауысу - жұмыс уақытын тиімді пайдалануға арналған ауқымды бағдарламаның алғашқы қадамы ғана. Бұл кезеңдегі біздің мақсатымыз - қызметкерлерге жұмыс уақытының әр минутын тиімді пайдалануға үйрету. Ал қалған жаңашылдықтар туралы сәл кейінірек толық айтып береміз. Ең бастысы - осының нәтижесінде әкімдіктің барлық қызметінің жұмысы едәуір жақсарады, - деді қала әкімі аппаратының жетекшісі Рашид Аюпов.