Павлодарда бюджет қаражатын жымқырған колледждің бас бухгалтері сотталды

Аймақ
15.11.2021, 10:55

Ю.Безпалая 7 жылға бас бостандығынан айырылу жазасына тартылды

Павлодарда бюджет қаражатын жымқырған колледждің бас бухгалтері сотталды

Павлодар облысындағы ақпараттық технологиялар колледжінің бас бухгалтері бюджеттен 26 миллион теңге жымқырғаны үшін сотталды.

Қаржылық мониторинг агенттігі Павлодар қаласындағы «Ақпараттық технологиялар колледжі» ШЖҚ КМК-да ақша қаражатын жымқыру дерегі бойынша қылмыстық істі сотқа жолдады.

Колледждің бас бухгалтері Ю.Безпалая өзінің қызметтік жағдайын пайдаланып, 2015-2020 жылдар аралығында бюджет қаражатын заңсыз иелену бойынша қылмыстық схеманы ұйымдастырған.

Ол колледж жұмысына таныстары мен туыстарын тартып, сосын олардың атына заңсыз жалақы аударып, сол қаражатты иеленіп отырған.

Ю.Безпалая 7 жылға бас бостандығынан айырылу жазасына тартылды, сонымен қатар ол бухгалтерлік қызметпен айналысу құқығынан 10 жылға айырылды.

Сұхбат

PhotoRoom