Шымкент қаласында 4300 мед.қызметкер арнайы оқудан өткен. Коронавирусқа 170 орын, провизорлық 680 орын дайын және 500 ИВЛ аппараты бар.
Қалада медициналық маска тігіле бастады. Оның бағасы: 4 қабат маска - 110, 8 қабат - 130. Ал, 16 қабаттысы -200 теңгеден сатылымға шықты. Масканың ерекшелігі көп қолданбалы. Кір сабынмен жуып, үтіктеп, қайта қолдана бересіз. Бірақ дәріханаларда адам басына 4 данадан артық сатылмайды. Себебі кейбіреулер арзан алып, қымбат сатуы мүмкін.
Сондай-ақ, Шымкентте антисептик өндіру көлемі артады. Оның бағасы 420 теңге болады. Бұл туралы ақпараттық-коммуникациялық орталығында ҚР аумағында Төтенше жағдайлар режимінің енгізілуіне байланысты Қазақстан Республикасы Президентінің тапсырмаларының орындалуы барысы жөнінде қала әкімінің бірінші орынбасары Ербол Садыр баспасөз мәжілісінде айтты.