Шымкентті мегаполис ретінде дамытудың маңызды стратегиялық бағыты қалалық қоғамдық кеңістіктерді абаттандыру болып табылады. Мемлекет басшысы Қасым-Жомарт Тоқаевтың тапсырмасы шеңберінде көптеген ауқымды жұмыстар жүргізілуде.
Инновациялар мен жаңа технологиялар қала тұрғындары үшін неғұрлым тиімді, тұрақты және өмір сүруге қолайлы аумақтарды құруға мүмкіндік береді. Орналасудың жаңа тәсілдері қала тұрғындарының өмір сүру сапасын жақсартуға, сондай-ақ қалалық ортаны инвестициялар мен даму үшін тартымды етуге көмектеседі.
Инфрақұрылымды дамыту, қоғамдық көліктің сапасы мен қолжетімділігін жақсарту, сондай-ақ велосипед және жаяу жүргіншілер аймақтарын көбейту үшін жағдай жасалуда. Бұл халықтың денсаулығын жақсартуға, ауаның ластану деңгейін және көлік жүктемесін азайтуға нақты қадам болмақ.
Бұл тұрғыда қала әкімдігінің кешенді жұмыстарының нәтижесінде қала үшін бірнеше көрнекті нысандар пайда болды.
Соның бірі кезінде танымал болған "көл" жасанды су қоймасының ашылуы тұрғындарды ерекше қуанышқа бөледі. Қала әкімінің тапсырмасымен мамандар нысанды қалпына келтіру бойынша үлкен жұмыс жүргізді. Түбін тазалап, айналасын абаттандырып, көгалдандырды. Жарық орнатып, су қоймасын толтырып, субұрқақтарды қосты.
Нысанды қайта құру бойынша барлық жұмыстар бизнестің әлеуметтік жауапкершілігі есебінен жүргізілді. Сондай-ақ, Ордабасы алаңындағы және Шәмші Қалдаяқов атындағы саябақтағы субұрқақтарға қатысты қалпына келтіру жұмыстары жүргізілді.
Шымкент үшін тағы бір көрнекті нысан "Тұран-2" шағын ауданындағы спорт стадионы болмақ. Аренаның сыйымдылығы 35 мың орынды құрайды, ал оның жалпы ауданы - 21 га. Аталмыш стадионның құрылысы 2026 жылы аяқталады деп жоспарлануда. Жаңа спорт ғимараты халықаралық деңгейдегі матчтарды өткізу үшін УЕФА-ның барлық талаптарына сай болады. Оның құрылысы кезінде ең заманауи технологиялар мен материалдар қолданылады, ал архитектуралық шешім стадионды мегаполистің нағыз көрнекті орнына айналады деп күтілуде.
Қазіргі заманғы стадионның пайда болуы халықаралық деңгейдегі спорттық іс-шараларды өткізуге, Шымкент қаласының спорттық имиджін бәсекеге қабілетті етуге, халықтың спортқа деген қызығушылығын арттыруға, сондай-ақ туризмнің дамуына ерекше серпін береді.
Айта кету керек, қоғамдық кеңістік жүйелерін қамтитын инфрақұрылымды жақсарту қала тұрғындарының өмір сүру сапасын арттыруға және экономикалық өсуге зор ықпал етеді.