Шымкентке Беларусь кәсіпкерлері инвестиция салуға ниетті

Шымкент қаласы әкімнің орынбасары Нұралхан Көшеров Беларусь Республикасының Қазақстан Республикасындағы Төтенше және Өкiлеттi елшiсi Анатолий Ничкасовпен кездесті. Қос тарап Шымкент қаласының «Ақылды қала» жобасы аясында бірқатар болашақ жоспарлар туралы пікірлесті,-деп хабарлайды shymkent.gov.kz.

      - Бiз Оңтүстік облыстың, оның орталығы Шымкент қаласының экономикасын зерттеп, бiрнеше сала бойынша ынтымақтастық ұсыныстарын әзiрледiк. Оның iшiнде машина жасау саласы да бар, себебi Беларусьте бұл сала жақсы дамыған және бюджеттi толықтырудың негiзгi көзi болып отыр, - дедi А. Ничкасов.

      Өз кезегінде қала әкімінің орынбасары Шымкентте муниципалды автопарк ашу жобасы жөнінде өз ойын ортаға салды. Әрі шаһарда Беларусь елінің жаңа технологиямен жабдықталған қоғамдық көліктеріне деген қызығушылық бар екендігін жеткізді.