Шымкентте «Дені сау ұлт - Тәуелсіздік тұғыры» бұқаралық жүгіру марафоны өтті

ҚР Премьер-Министрі, ҚР Президенті Әкімшілігінің басшысы, бірқатар Үкімет мүшелері бастаған қайырымдылық мақсаттағы ірі халықаралық  марафон эстафетасын Оңтүстік Қазақстан облысы жалғады.

Салауатты өмір салтын ту еткен оңтүстікқазақстандықтар «Дені сау ұлт - Тәуелсіздік тұғыры» деген ұранмен 5 шақырымды жүгіріп  өтті.

Дәстүрлі түрде ұйымдастырылып келетін қайырымдылық марафонына 2 мыңнан астам қала тұрғындары, билік өкілдері мен мыңдаған жастар қатысты.

ҚР Тәуелсіздігінің 25 жылдығына орай ұйымдастырылған спорттық шара соңында марафонның мәре сызығына алғаш жүгіріп келген жеңімпаздар марапатталды.

Салауатты өмір салтын қалыптастырып, бұқаралық спортты дамыту мақсатындағы игі бастама Оңтүстік өңірінде жыл сайын жалғасын табатын болады.