Төлебиде екі медициналық нысан ашылды

Тәуелсіздіктің 25 жылдығы қарсаңында Төлеби ауданы Көксайек пен Қаратөбе ауылдық округінде екі фельдшерлік акушерлік пункт ел игілігіне пайдалануға берілді. Бұл денсаулық сақтау мекемелері Кувейт мемлекетінің ҚР «Азия Мұсылмандар Комитетінің дүниежүзілік қайырымдылық қоры» демеушілігімен салынып отыр.

Әлеуметтік нысандардың салтанатты ашылу рәсіміне Төтенше және өкілетті Кувейт мемлекетінің Қазақстандағы елшісі доктор Тарек Абдулла Аль-Фарадж мырза мен аудан әкімі Б.Парманов қатысты.

Осы жылдың шілде айында құрылысы басталған ФАП-қа 19 ми ллионға жуық қаржы жұмсалған.

Денсаулық сақтау мекемесі 800-ден астам халыққа алдыңғы қатарлы медициналық қызмет көрсететін болады.

Бүгінде ауданымыздың денсаулық сақтау саласында 2 аурухана, 10 отбасылық дәрігерлік амбулатория мен 24 фельдшерлік акушерлік пункт және 16 дәрігерлік пункт 118 мыңға жуық аудан халқына мінсіз қызмет жасауда.