Бүгін Шымкенттің орталық су спорт кешенінде жүзуден республикалық жарыс басталды. Балаларды қорғау күніне орай ұйымдастырылған сайысқа еліміздің 14 облысы мен Астана,Алматы қалаларынан 450-ге тарта жас спортшы қатысуда, деп хабарлайды ҚазАқпарат ХАА тілшісі.
Республикалық жарысқа оңтүстік өңірінен олимпиадалық резервтерді дайындайтын балалар мен жасөспірімдер спорт мектебінен, сондай-ақ, осы орталықтың тәрбиеленушілерінен 1 команда жасақталды.
Қарсылас командалар Астана, Алматы, Көкшетау, Қостанай, Петропавл, Павлодардан келген. Балалар мерекесіне арналған байрақты бәсеке үш күнге созылып, мамырдың 31-інде өз мәресіне жетеді деп жоспарланып отыр. Үздіктер әр қашықтық бойынша анықталып, бағалы сыйлықтармен марапатталады.