ҚР Байланыс және ақпарат қызметкерлері күніне орай Шымкентте БАҚ өкілдері арасында дәстүрлі Спартакиада ойындары жалауын көтерді. 12-17 маусым аралығына жоспарланған спорттық шара Қазақстан Журналистер Одағы мен облыстық ішкі саясат басқармасының ұйымдастыруымен, денешынықтыру және спорт басқармасының қолдауымен өтуде.
Іс-шара барысында «13 легион» қозғалысының өкілдері салауаттылықты насихаттап, мерекелік қойылым көрсетті. Сондай-ақ, белгілі айтыскер ақын Нұрлан Есенқұлов журналистер мерекесіне өз арнауын тарту етті.
Бүгінгі волейбол сайысында «Ернияз» медиа тобы командасы жеңімпаз болды. Екінші орын «Қазақстан-Шымкент» телеарнасының қызметкерлеріне бұйырса, үшінші орын – «Ернұр» корпорациясы өкілдерінде.
Спорт – салауаттылыққа бастайды. Салауаттылық – саулық кепілі, ал саулық – байлық негізі. Ендеше, тартысты ойындардан шет қалмаңыздар, әріптестер!