Шымкенттіктер жөндеуге жұмсалған қаражатты қайтаруда

Шымкентте  «Тұрғын үй-коммуналдық шаруашылығын жаңғырту» бағдарламасы бойынша үйлері қалпына келтірілген тұрғындар жөндеуге жұмсалған қаражатты қайтара бастады. Бұл жұмыс 2014 жылдан бері жалғасып келеді. Дегенмен, тұрғындар бұл іске биыл ерекше белсенділік көрсетті дейді сала мамандары.

Мәселен,  2014 жылы жөндеу жұмыстарына кеткен 17 млн 926 мың теңгені жинау жоспарланған болса, оның 3 млн  150 мың теңгесі ғана жиналған.

2015 жылы 39 млн  807 мың қаржының 15 млн 72 мың теңгесі ғана қайтарылған.

Ал, 2016 жылы төлемдер уақтылы төленіп, тіпті жоспарланған көрсеткіштен асып түсті. 58 млн. 445 мың теңге орнына 61 млн 287 мың теңге жиналған.

2017 жылы жоспарланған 34 млн  461 мың теңгені тұрғындар мемлекетке толығымен қайтарған.