Биыл Түркістан облысы облысы Сауран ауданына қарасты Шаға ауылдық округінде ет бағытындағы заманауи құс фабрикасы жұмысын бастайды.
Құны 2,5 млрд теңге болатын жаңа инвестициялық жоба 280 мың құсты ұстауға есептелген және өңірдегі агроөнеркәсіптік кешендегі ірі нысандардың біріне айналмақ.
Кәсіпорын толық қуатына шыққаннан кейін облыс ішіндегі сұранысты қамтып қана қоймай, еліміздің нарығына да шығып, сапалы құс етін бүкіл Қазақстан бойынша жеткізу жоспарлап отыр.
Ауыл шаруашылығы министрлігінің ақпаратына сүйенсек, “Eco-Chiken” ЖШС жобасы Сауран ауданын дамыту жөніндегі кешенді бағдарлама аясында жүзеге асырылуда. Жалпы 2024 жылы ауданда жалпы құны 16,4 млрд теңге болатын 13 ірі инвестициялық жобаны іске асыру көзделіп отыр. Құс фабрикалары жұмыртқа өндірумен шектелмей, тауық етін өңдеуге де басымдық беріп ішкі нарықтағы бәсекелестікті арттыруы маңызды, дейді мамандар.
Маңызды жобалардың бірі ретінде биылғы жылдың соңына дейін аяқталатын, "Ақ Сауран" ЖШС жүзеге асырып жатқан жаңбырлатып суару әдісіне негізделген суару жүйесінің құрылысын атап өтуге болады. Аталған жобаға салынған инвестиция көлемі – 1,5 млрд теңге. Жоба су ресурстарын тиімді пайдалану мен ауыл шаруашылығы дақылдарының өнімділігін арттыруға бағытталған. Бұдан бөлек, ауданда бордақылау алаңдары мен жылыжай кешендері де белсенді дамып келеді. Бұл өз кезегінде өңірдегі ауыл шаруашылығының тұрақты өсуіне және жаңа жұмыс орындарының құрылуына ықпал етуде.
Эпизоотиялық салауаттылықты сақтау үшін құс фабрикасында биоқорғаныс және санитария ережелерін сақтауға ерекше көңіл бөлінеді. Құс фабрикасындаавтоматтандырылған суару, тамақтандыру, қоқыстарды жою жүйесі қолданылатын болды.
Кәсіпорында өнімділігіне қарай жұмыстқа сұрыпталып, арнайы топтастырылады. Осының арқасында құсқорадан шыққан жұмыртқа бірден жұмыртқа қоймасына, жұмыртқа сұрыптау машинасына түседі, онда жұмыртқа санаттар бойынша сұрыпталады және оралады. Жұмыртқаға тиетін алғашқы қолдар - бұл өнімді үйге, ас үйге әкелген сатып алушының қолдары болмақ.
Баламалы электр көздерінің маңызы айтарлықтай өсті. Жаңа технологиялар энергетиктердің монополистеріне тәуелділікті азайтып қана қоймай, қалдықтарды толық кәдеге жарату, парниктік газдар шығарындыларын азайту жөніндегі маңызды міндетті шешуге көмектеседі.
Өнеркәсіптік негізде өндіріс технологиясын игеруде жоғары нәтижелерге қол жеткізу үшін басты міндеттердің бірін – өнеркәсіптік ауқымда - үйде дәмді өнім шығаруды шеше алған тату, үйлесімді кәсіпқойлар ұжымы қажет.