Таяуда Оңтүстік Қазақстан облысында ел Тәуелсіздігінің 25 жылдығына арналған «Бар мейіріміміз - балаларға!» қайырымдылық шарасы өткені белгілі.
Игілікті іске қатысқан облыс әкімі Жансейіт Түймебаев өңіріміздегі үздік оқу озаты атанған 10 дарынды оқушыға және ерекше білім беруді қажет ететін, жетім және ата-анасының қамқорлығынсыз қалған, аз қамтамасыз етілген және көпбалалы отбасыдан шыққан 240 балаға Мемлекет басшысының атынан сый-сияпат тарту еткені есімізде.
Мерекелік думанда барша оқушылардың атынан өңір басшысына алғысын білдірген мектеп оқушысы Бекжан Базарбек барша жұртшылықты Тәуелсіздіктің торқалы тойымен құттықтап, осынау жетістіктерге жетуде көш бастап, елді биік белестерге жетелеп келе жатқан Елбасы – Нұрсұлтан Әбішұлы Назарбаевқа арнаған өлеңін оқыды.
Қайырымдылық шарада ерекше мәнерімен көзге түскен Бекжан Ғалымжанұлын арнайы іздеп, таптық. Шымкенттегі «Батырбек Өтеп атындағы «Өнер» мамандандырылған мектеп-интернатының 9 сынып оқушысы Отырар ауданының тумасы болып табылады. Болашағынан үлкен үміт күттірер жас талант болашақта ел жайын қозғайтын журналист болғысы келеді екен.
Жазба және суырып салма жас ақын Бекжан Базарбектің Мемлекет басшысына арнаған жүрек толғанысын Өздеріңізге ұсынуды жөн көрдік.
[video width="848" height="480" mp4="/uploads/wp-content/2016/12/Бекжан-Базарбек.mp4"][/video]