Енді Тараз қаласының медициналық жедел жәрдем стансасындағы халыққа қызмет көрсету сапасы артатын болды. Себебі бүгін стансаға су жаңа 27 жаңа көлік берілді. Елбасының «Қазақстандықтардың әл-ауқатының өсуі: табыс пен тұрмыс сапасын арттыру» атты халыққа Жолдауындағы басым бағыттардың бірі -медицина саласы, халық денсаулығының сапасын арттыру. Жолдауда Нұрсұлтан Әбішұлы: «Медициналық қызмет сапасы халықтың әлеуметтік көңіл-күйінің аса маңызды компоненті болып саналады. Ең алдымен, әсіресе ауылдық жерлерде алғашқы медициналық-санитарлық көмектің қолжетімді болуын қамтамасыз ету қажет. Алғашқы медициналық-санитарлық көмек көрсететін қызметкерлерді ынталандыру үшін 2019 жылдың 1 қаңтарынан бастап ауруларды емдеу ісін басқарудың жаңа тәсілдерін енгізген учаскелік медицина қызметкерлерінің жалақысын кезең-кезеңмен 20 пайызға көбейтуді тапсырамын. Осы мақсаттарға келесі жылы 5 миллиард теңге бөлінеді»- деп нақты міндеттеме жүктеді.
Қазақстан президентінің аталмыш тапсырмасы Жамбыл облысында саты-сатымен орындалуда. Міне, бүгін Орталық “Достық” алаңында көлік кілттерін облыс әкімінің орынбасары Еркебұлан Дауылбаев салтанатты түрде табыстап, жүйелі жұмыстардың нәтижесін көрсетті.
– Облыста алғашқы медициналық-санитарлық көмектің қол жетімділігін қамтамасыз ету бойынша жүйелі жұмыстар жүргізілуде. Алғашқы медициналық көмектің қол жетімділігін арттыру мақсатында облысымызда бүгінгі күнге қажетті 95 нысанның мемлекеттік-жекеменшік әріптестік аясында ағымдағы жылы 30 нысан, 2019 жылы 40 және 2020 жылы 25 нысан салу жоспарланып отыр, – деп атап өтті Еркебұлан Дауылбаев.
Салтанатты жиынға облыстық қоғамдық кеңестің төрағасы Жандар Кәрібайұлы, жедел жәрдем қызметкерлері мен қала тұрғындары қатысты.
Бұдан кейін Тараз қаласына-4, Жамбыл ауданына-5, Байзақ ауданына-2, Жуалы ауданына-1, Қордай ауданына-5, Меркі ауданына-1, Мойынқұм ауданына-2, Талас ауданына -1, Шу ауданына -4, Сарысу, Т.Рысқұлов ауданына-1автокөліктен берілді.
– Адам өмірін қорғайтындықтан дәрігерлер қоғам өмірінде ерекше орын алады. 2016-2019 жылдар аралығындағы Денсаулық бағдарламасының арқасында бүгін жедел жәрдем стансасының қуанышты күні 27 автокөлік жаңартылып жатыр! Автокөлікке қосымша жаңа медициналық жабдықтар да алынған.