Қала тұрғындарына ыңғайлы болуы үшін, елорда әкімдігі мен Қазақстан Республикасы Инвестициялар және даму министрлігінің Байланыс, ақпараттандыру және ақпарат комитеті «Сайлау учаскесі туралы ақпарат іздеу» интерактивті СМС-қызметін іске қосты, деп хабарлайды қала әкімінің баспасөз қызметі.
Бұл қызмет азаматтарға сайлау учаскесінің номері, мекен-жайы, телефоны және ғимараттың орналасқан жері көрсетілген сайлау учаскесі туралы ақпарат алуға мүмкіндік береді.
Қызметті пайдалану үшін 414 номеріне [код сөзі] бос орын [азаматтың ЖСН] жазылған СМС-хабарлама жіберу керек.
Мәтіндік хабарлама мына нұсқада болуы керек:
Мемлекеттік тілде ақпарат алу үшін «Сайлау ЖСН» немесе «Saylau ЖСН» сөзін теру керек (мысалы, Сайлау 123456789012);
Орыс тілінде ақпарат алу үшін «Выборы ЖСН» немесе «Vibory ЖСН» теру керек (мысалы, Выборы 123456789012).
Назар аударыңыз! Қызмет ақылы! Қызметті алған жағдайда пайдаланушы СМС-хабарламаның құнын ғана төлейді, абоненттің телефон бірліктерінің есебінен 7 теңге алынады.