Қазақстанның Шығыс өңірінен түнде жарқырап жанатын шағын көл табылды. Бұл туралы «Қазақстан» Ұлттық арнасының тілшісі хабарлады.
Шығыс Қазақстан облысының Аягөз өңіріндегі бұл көлдің түнде жарқырап жанатынын жергілікті тұрғындар байқаған. Аумағы 2 мың шаршы метрден асатын шағын көлдің құпиясы тұрғындарды таңқалдырып отыр. Куәгерлердің айтуынша, су түбінде көлді көк түске бояйтын белгісіз зат бар. Географиялық тұрғыдан Балқаш көлінің бассейніне жататын жалтырауық көл жайлы ақпарат халық назарына алғаш рет ұсынылмақ. Толығырақ бүгін «Қазақстан» Ұлттық арнасының сағат 20.30-да болатын кешкі жаңалықтарынан көре аласыздар.