Трамп Нобель сыйлығына үміткер болды

Әлем
09.09.2020, 17:20

Ол бұл мәртебелі сыйлыққа Израиль мен БАӘ арасын жақындастырғаны үшін ұсынылып отыр

Трамп Нобель сыйлығына үміткер болды
Фото: reuters

АҚШ президенті Дональд Трамп бейбітшілік бойынша Нобель сыйлығына үміткер атанды, деп хабарлайды Fox News телеарнасы.

Телеарна мәліметінше, Нобель комитетіне ресми өтінішті Норвегия парламентінің өкілі Кристиан Тибринг-Гедде жіберді. Ол хатында Трамп әкімшілігі Израиль мен БАӘ арасында байланыс орнатуға өз үлесін қосқанын жазған.

«Менің ойымша, ол қос мемлекет арасында бейбіт байланыс орнатуға тырысты. Ол басқа бейбітшілік сыйлығына үміткерлердің арасында көбірек жұмыс істеді», - дейді депутат.

Айта кетейік, Дональд Трамп - соңғы 39 жылда мемлекетін қарулы қақтығысқа тартпаған АҚШ-тың жалғыз президенті. Ол Таяу Шығыстан көптеген әскерді шығарған болатын.

Сұхбат

PhotoRoom