Алматы облысының үш елді мекенін су басты

Аймақ
09.02.2021, 13:47

Бұл туралы ҚР Төтенше жағдайлар министрлігінің ресми өкілі Талғат Уәли мәлімдеді

Алматы облысының үш елді мекенін су басты

Алматы облысында ауа температурасы көтеріліп, жауын-шашын мен қар еруіне байланысты жеке тұрғын үйлердің ауласын су басты.

Оның деректеріне қарағанда, Алматы облысындағы Ескелді ауданының Ешкіөлмес және А.Алдабергенов ауылын, сондай-ақ Көксу ауданының Талапты ауылын су басқан.

«8 ақпан күні түнде Алматы облысының ТЖД-ға 3 елді мекенінде жеке тұрғын үйлердің 40 ауласы су астында қалғаны туралы хабарлама келіп түсті. Алматы облысы ТЖД және жергілікті атқарушы органдардың қызметкерлерім Ескелді ауданы Ешкіөлмес ауылындағы оқиға орнынан 10 адамды эвакуациялады және олар орта мектепке орналастырылды. Мотопомпалардың көмегімен су сорғытылды. ТЖД-да жедел штаб құрылып, жедел желі жұмыс істеп жатыр. Қазіргі уақытта арықтарды тереңдету, үйінді бөгет салу және еріген суды бұру бойынша жұмыстар жүргізіліп жатыр», - деді ведомствоның ресми өкілі.

Ол келтірген деректерге қарағанда, су басқан жерлерде барлығы Алматы облысы ТЖД күштері мен құралдары 67 қызметкер, 15 бірлік техника, 18 мотопомпа, жергілікті атқарушы органдардан 28 қызметкер, 5 бірлік техника және 5 бірлік мотопомпа, АПБ 7 қызметкер, 3 бірлік техника жұмылдырылды.

Сұхбат

PhotoRoom