Grammy жүлдесі: Тоқаев Иманбекті жеңісімен құттықтады

Мәдениет
15.03.2021, 11:47

Иманбек Зейкенов Roses ремиксімен Grammy жүлдесін жеңіп алды

Grammy жүлдесі: Тоқаев Иманбекті жеңісімен құттықтады

Мемлекет басшысы Қасым-Жомарт Тоқаев қазақстандық Иманбек Зейкеновке аса беделді Grammy музыкалық сыйлығының табыс етілуі жөніндегі жаңалықты зор қуанышпен қабылдады. Бұл туралы ҚР Президентіңнің баспасөз хатшысы Берік Уәли хабарлады.

«Өзінің таланты мен мақсат қоя білуінің арқасында диджей Imanbek әлемдік шоу-бизнестің басты сыйлықтарының бірін иеленді. Оның шығармашылығы қазақстандық жастардың да ең биік шыңдарды бағындыра алатынын дәлелдеді», - делінген құттықтауда.

Трек бірнеше чартта, соның ішінде АҚШ пен Ұлыбританияда көш бастап, The Weeknd, Dua Lipa, Billie Eillish, Roddy Ricch және Justin Bieber сияқты әртістерден озық болды.

Танымал болғанға дейін Иманбек Павлодар облысында (Ақсу қаласы) теміржолшы болған. Музыканы өзі үйренген. Музыканттың айтуынша, теміржолдан кетіп, музыкамен айналысқанына көп болған. Өзі Ақсуда тұрып жатыр.

Ал Roses SAINt JHN’s түпнұсқасының орындаушысы 2016 жылы шыққан трек танымал бола кеткеніне таңғалмағанын айтты.

Сұхбат

PhotoRoom