Нұр-Сұлтанда құрылысы жеті жылға созылған нысан пайдалануға берілді

Аймақ
19.03.2021, 14:27

Биыл тағы 7 мың үлескерге пәтер кілтін беру жоспарланып отыр

Нұр-Сұлтанда құрылысы жеті жылға созылған нысан пайдалануға берілді

Бүгін елордада құрылысы ұзаққа созылған тұрғын үйлердің бірінің құрылысы аяқталды. Осылайша 7 жылдан астам уақыт бойы пәтерлерін күткен 200-ге жуық отбасының мәселесі шешілді. Бұл туралы Нұр-Сұлтан әкімі Алтай Көлгіновтің Instagram парақшасында жазды.

«Бүгін – біз және «Зере-1» тұрғын үй кешенінің үлескерлері үшін қуанышты күн! Мерекелік күндер қарсаңында құрылысы ұзаққа созылған тағы бір нысанның құрылысы аяқталды. «Зере-1» тұрғын үй кешені пайдалануға берілді, тұрғындардың құжаттарын рәсімдеу бойынша соңғы жұмыстар жүріп жатыр. Осылайша 7 жылдан астам уақыт бойы пәтерлерін күткен 200-ге жуық отбасының мәселесі шешілді», - деп жазды ол.

Үйдің қаңқасы ғана болған. Бірінші кезекте үй мен инженерлік желілердің барлық жобалық-сметалық құжаттамасын дайындалған. Тұрғын үй кешені су, электр, жылу, кәріз сияқты инженерлік желілерге қосылды. Сондай-ақ тұрғын үй кешенінің қасбеті бойынша жұмыстар жүргізілді, терезелер, лифтілер, есіктер және т. б. орнатылды. Көктемде абаттандыру жұмыстарын бастау тапсырылды.

Мемлекет басшысының тапсырмасына сәйкес бір жарым жыл ішінде (2019 жылдың жазынан бері) құрылысы ұзаққа созылған нысандар саны 2 еседен астам азайды. Әрбір нысан бойынша қадамдық іс-шаралар жоспары бар.

«Биыл тағы 7 мың үлескерге пәтер кілтін беруді жоспарлап отырмыз. Осылайша үлескерлер көптен күткен қоныс тойын тойлап, пәтер иегері атанбақ», - деп жазды елорда әкімі.

Сұхбат

PhotoRoom