Экс-министр Біртановты үйқамақта ұстау мерзімі осымен жетінші рет ұзартылды

Жаңалықтар
09.06.2021, 16:23

Күдіктінің қорғаушылары мен адвокаттарының өтініштері қаралмайды

Экс-министр Біртановты үйқамақта ұстау мерзімі осымен жетінші рет ұзартылды

8 маусымда мамандырылған ауданаралық тергеу сотында бұрынғы Денсаулық сақтау министрі Елжан Біртановты үйқамақта ұстау мерзімін ұзарту мәселесі қаралды. Прокурор соттан бұрынғы Елжан Біртановты үйқамақта ұстау мерзімін 2021 жылдың 14 шілдесіне дейін созуды сұрады.

Бүгін Қылмыстық-процестік кодекстің 55, 56, 151, 152-баптарын басшылыққа алынып, сот шешім қабылдады: Елтан Амантайұлы Біртановты үйқамаққа ұстау түріндегі бұлтартпау шарасының мерзімі 9 айға дейін ұзартылды, яғни 2021 жылғы 14 маусымнан бастап 14 шілдеге дейін. Күдіктінің қорғаушылары мен адвокаттарының өтініштері қаралмайды.

Еске сала кетейік, 2020 жылдың 3 қарашасында бұрынғы Денсаулық сақтау министрі Елжан Біртанов бюджет қаражатын ысырап етті деген күдікпен қамауға алынды.

22 ақпанда Нұр-Сұлтан қаласының ауданаралық тергеу соты экс-министр Елжан Біртановты үйқамақта ұстау мерзімін 2021 жылдың наурыз айының соңына дейін ұзартты. Сосын экс-министрді үйқамақта ұстау мерзімі 30 сәуірге дейін ұзартылды.

Ал, наурыз айының соңында бұрынғы бас дәрігердің қорғаушысы Дмитрий Куряченко БАҚ-қа сұхбат беріп, экс-министр Елжан Біртановтың денсаулығы сыр бергенін айтты. Сондай-ақ адвокат оны үйқамақта негізсіз ұстап отырғанына наразы.

2020 жылдың 25 маусымында Мемлекет басшысының жарлығымен Елжан Біртанов Денсаулық сақтау министрі қызметінен босатылды.

Елжан Амантайұлы Біртанов 1971 жылғы 18 қазанда Жамбыл қаласында дүниеге келді. Алматы мемлекеттік медицина университетін, Аризона штатының университетін, Ресейде дипломнан кейінгі медициналық білім академиясын, Шарите Университеттік клиникасын (Германия), Тұран университетін, Duke University, Fugua School of Business (АҚШ), Global Executive МВА магистратурасын бітірді.

Алматы қаласында жедел медициналық көмек ауруханасының реаниматолог-дәрігері, Республикалық токсикология орталығының басшысы, Денсаулық сақтау министрлігінің бас токсикологы, Денсаулық сақтау министрлігінің «Денсаулық сақтауды дамыту институты» РМК директоры, ҚР Премьер-министрінің кеңесшісі, «Ұлттық медициналық холдинг» АҚ басқарма төрағасының орынбасары, Денсаулық сақтау вице-министрі, «Ұлттық медициналық холдинг» АҚ басқарма төрағасы болып жұмыс істеді.

2014 жылғы мамырдан бастап - Мемлекеттік-жекеменші әріптестік жобаларын сүйемелдеу орталығы басқармасының төрағасы болды. 2015 жылғы 12 қарашадан бастап – Денсаулық сақтау және әлеуметтік даму вице-министрі болды. 2017 жылғы 25 қаңтардан бастап Денсаулық сақтау министрі қызметін атқарды.

Сұхбат

PhotoRoom