Түлкібаста «Ақ шатыр» демалыс орталығы ашылды
Түлкібас ауданының Машат шатқалында заман талабына сай жабдықталған, тамаша табиғат аясында орын тепкен «Ақ шатыр» демалыс орталығы ашылды.
Демалыс аймағының а
шылуында ОҚО әкімінің орынбасары Ж.Бөкенбаев, аудан әкімі Қ.Абдуалиев сөз сөйлеп, аудан аумағында туризм кластерін дамыту мақсатында құрылған нысанның ашылуымен құттықтады. Сонымен қатар, еліміздің саяхатшыларын отандық демалыс орталығына демалуға шақырды,-деп хабарлайды Түлкібас ауданы әкімінің баспасөз қызметі.
«Ақ шатыр» - әлемдік талапқа сай жасалған демалыс орталығы. Жалпы аумағы 3 гектар жерді алып жатқан орталыққа 620 млн. теңге қаржы жұмсалған.
Нысанның ашылуына еліміздің өнер жұлдыздары - «Жігіттер» квартеті, Қ.Байкенов, ВИА Формат, Ә.Қалаубаева тағы басқа да әншілер ән шырқап, кеш соңы мерекелік отшашумен аяқталды.