ОҚО-да жүлде қоры 2 млн. болатын бизнес-идеялар байқауы жарияланды
ОҚО Кәсіпкерлерге қызмет көрсету орталығы қала әкімдігінің қолдауымен, «Нұр Отан» партиясының ОҚО филиалының жанындағы «Жас Отан» Жастар қанатымен бірлесіп жастар арасында «INNOVATION-2016»бизнес-идеялар байқауын жариялайды.
Байқаудың негізгі мақсаты әлеуметтік тұрғыдан маңызды болатын, озық технологияларды елдің әлеуметтік-экономикалық өміріне ендіре отырып, жас кәсіпкерлердің бизнес бастамаларын қолдау болып табылады.
Бизнес-жобалар байқауында қатысушылар іріктеліп, оның жүлдегері олардың бизнес-идеяларын таныстыруы мен жобаның әлеуметтік маңыздылығын, жаңашылдығын аша отырып қорғауының негізінде анықталады.
Байқаудың қорытындысы бойынша ең үздік деген 10 жобаға 2 млн. теңге көлемінде қаржылай сыйлық табысталмақ. Сонымен қатар, әр бір бизнес-идеяға құны 200 мың теңге болатын сертификат үлестіріледі. 
Байқауға 18-29 жас аралығындағы жастар қатыса алады. Конкурсқа өтінімдер 15-25 шілде аралығында қабылданады.
Бүгінгі таңда «Innovation» бизнес идеялар марафонына ең үздік идеясы бар 200-ден аса жас стартаперлердің қатысуы күтілуде.
Толығырақ ақпаратты, сонымен қатар байқау туралы ережелерді www.kasipmektep.kz сайтынан танысып алуға болады.