ОҚО-да жастар арасында «Спорт бізді біріктіреді» атты турнир өтті

Аймақ
20.08.2016, 21:25

14102636_1038890069560665_1366974994217007564_nОңтүстік Қазақстан облысында  ел Тәуелсіздігінің 25 жылдығына және 30 тамыз–Қазақстан Республикасының Конституциясы күніне  орай, облыс жастары  арасында «Спорт бізді біріктіреді» атты турнир өтті.

Елбасының Жолдауында айтылған бұқаралық спортты дамыту тапсырмасы бойынша және жастардың бос уақытын тиімді пайдаланып, салауатты өмір салтын қалыптастыру мақсатында өткен шараға 15 аудан, қаладан 300-ден аса спортшы қатысты.

Облыс деңгейінде үшінші рет ұйымдастырылып отырған жарыста спортшыларымыз  футбол, волейбол, шахмат ойындарынан бақ сынасты.

Нәтижесінде: футбол ойындарынан бірінші орынды - Арыс қаласы алса, ал  волейбол ойындарынан І орынды Түркістан қаласының спортшылар иеленді. Сонымен қатар, шахмат ойындарында  Қазығұрт ауданы жүзден жүйрік шығып, І орынды қанжығаларына байлады.

Оңтүстік Қазақстан облысы жастар саясаты мәселелері жөніндегі басқармасының «Жастар ресурстық орталығы» КММ-нің үш жыл қатарынан ұйымдастырылып келетін спорттық турнирге бес мыңға жуық жас спортшылар қамтылған.

14102458_1038890252893980_4300372837262750190_nЖалпы, облысымызда 15 аудан, қаладан спорт саласындағы талантты жастар саны 2016 жылдың жарты жылдық қортындысы бойынша  120 416-ға жетіп отыр. Ал салауатты өмір салтын қалыптастыру мақсатында облыста жыл басынан бері  968 түрлі іс-шара өтті. Бұл дегеніміз жастарымыздың спортқа ден қойып келетінініғ айғағы.

 

Сұхбат

PhotoRoom