- Бүгінгі кездесу екі жаққа да тиімді болады деп ойлаймын. Біздің өңір аграрлық өлке саналатындықтан биыл ауылшаруашылық өнімдері мен жеміс-жидектен мол өнім жинадық. Сондай-ақ, еліміздегі химияның 30 пайызын әулиеата өңірі береді. Жамбыл облысынан минералды тыңайтқыштар, құрылысқа қажет қоспалар, ұн-макарон өнімдерін тасмалдауға әзірміз,-деді Кәрім Көкірекбаев .Кездесу соңында Шығыс Қазақстан мен Жамбыл облысының ықпалдастығы жөніндегі меморандумға қол қойылды.
Мұнан соң қонақтарға "Fresh Market" логистикалық орталығы көрсетілді. Сауда кешенінде Жамбыл облысының ауылшаруашылық жәрменкесі өткізілді. Әулиеаталық тауар өндірушілердің қатысуымен өткен жәрмеңкеге жалпы құны 95,7 млн. теңгені құрайтын 154,3 тоннадан астам ауыл шаруашылығы тауарлары ұсынылды.
Оның ішінде 20 тонна ет (жылқы, сиыр, қой, шошқа еті), 1,4 тонна тауық еті, 5 тонна шұжық өнімдері, 16,2 тонна сүт өнімдері, 5 мың дана жұмыртқа, 1,5 тонна кондитерлік өнімдер мен 6 тонна макарон өнімдері, 5 тонна қант, 0,5 тонна тұз, 5 тонна балық, 1,2 тонна бал және 87,5 тонна жеміс-жидек пен көкөніс өнімдері бар.
Жәрмеңкеде ұсынылатын тауар бағалары нарық бағасынан 5-20 пайызға төмен .Делегация «Серпін-2050» бағдарламасы бойынша оқитын Жамбыл облысының студенттерімен кездесті . «Мәңгілік ел жастары индустрияға» - «Серпін-2050» әлеуметтік жобасы аясында Жамбыл облысынан 2014 жылы - 172, 2015 жылы 443, 2016 жылы 262, барлығы 877 білімгер оқу түсті. Оның: 715-і жоғарғы оқу орындарына, 162-і колледждерге түсті.
Сондай-ақ, «Опытное хозяйство масличных культур» ЖШС-нің және «Бобровка+» роботталған сүт өнімдері фермасының жұмыстарымен танысты.