Шымкент қаласының білім мекемелері алдағы қысқа сақадай сай. Қалалық білім бөлімінің басшысы шаһар әкіміне осылай деп баяндады. Шаһардың бас мұғалімінің айтуынша, биылғы қысқа әзірленген қатты отынның сапасы талапқа сай. Бұл туралы otyrar.kz сайты жазады.
Жалпы, Шымкент қаласы бойынша 221 білім мекемесі бар. Соның 103-і орталықтандырылған жылу жүйесімен жылытылады. Ал қатты отын қажет 17 мекемеге 4 мың 718 тонна көмір, 3 мектепке 208 тонна сұйық отын жеткізіліпті. Өзгелері қазандықты жағу үшін көгілдір отын пайдаланады.
Сала мамандарының айтуынша, ендігі жоспар — сол қатты отын пайдаланатын білім мекемелерінің қазандығын көгілдір отынға алмастыру. Өткен жылы 5 мектептің қазандығы ауыстырылса, алдағы жылы бір мектептің қазандығы алмастырылмақ.