Тұрғындар қала тазалығына ынта қойса...

Рейтинг
06.07.2020, 22:34
Тұрғындар қала тазалығына ынта қойса...

Қала тазалығын сақтау, абаттандыру жауапты басқармалардың жұмысын ширатып келеді. Шымкенттің шаруашылық бөлімі биыл төрт негізгі бағытта жұмыс атқарады. Оның ең бастысы — тазалық және шаһарды абаттандыру. Көктемде атқарылатын жұмыстарды қала әкімі нақтылап берген болатын. Бірінші кезекте қаладағы ирригациялық жүйелерді ретке келтіру қажет. Мамандар жаяу жүргіншілер жолын жақсартып, қала тазалығын да естен шығармауды айтып отыр. Әсіресе жасыл желекті күтіп-ұстауға жиі көңіл бөлінеді. «Бір-бірімізге жәрдем көрсетіп, тазалық шарасына қатысамыз. Ағаш көшеттерін отырғызамыз. Әктеп-сырлау жұмыстарын ұйымдастырамыз. Бұрын бір-бірімізді танымайтын едік, енді міне, ортақ мақсатта күш біріктіріп, қала тазалығына үлес қосудамыз», – дейді «Нұрсәт» шағынауданындағы үй комитетінің төрайымы З.Баймуханбетов. Бұл ретте мамандар алдағы уақытта да тұрғындар қала тазалығына осы ынтамен үлес қосар болса, келешекте көшелер мен аулалар көркейіп, гүлдене түсеріне сенімді. Әрине, көпқабатты тұрғын үйлердің ауласын таза ұстау тек тазалықшылардың жұмысы емес, сол жердегі тұрғылықты халықтың да міндеті. Шымкенте қалалық ТҮКШ бөлімінің мамандары алға қойып отырған жоспарлары ауқымды. Ол кезең кезеңімен жүзеге асатын болады.

Сұхбат

PhotoRoom