Қазақстанда жедел жәрдем қызметінің жұмысына өзгеріс енгізіледі
Науқастарға қосымша көмек бере алатын қызметкер қосылады
Денсаулық сақтау министрлігі «Жедел медициналық көмек көрсету, оның ішінде медициналық авиацияны тарта отырып көмек көрсету қағидаларын бекіту туралы» бұйрыққа өзгеріс енгізді.
Жедел жәрдем бригадасына алғашқы көмек көрсету бойынша кәсіби дайындық курсынан өткен қызметкер қосылды. Ол науқастарға қосымша көмек көрсете алады.
100 мыңнан астам тұрғыны бар моноқалаларда әкімдіктердің шешімі бойынша дербес жедел жәрдем станциялары ұйымдастырылады. Бұл ретте қарқынды терапия дәрігерлер бригадаларының саны бригадалардың жалпы санының кемінде 25%-ін құрауы керек.
Еске сала кетейік, қазір Қазақстанда 1500-ге жуық жедел жәрдем бригадасы жұмыс істейді, оның 18%-ы арнайы бригадалар.
Сондай-ақ жедел жәрдем станцияларына медициналық ақпараттық жүйелердегі деректерді қарауға рұқсат беріледі.