Түркістанда қолөнершілер қалашығы салынады
Кешенде ұлттық нақыштағы бірегей қолөнер бұйымдарын даярлайтын және қолөнер технологиясын оқытатын ірі шеберхана салынады
Түркістанның мәдени-рухани орталығында қолөнершілер шеберханасы бар туристік кешен салынады, деп хабарлады облыстық әкімдік.
Қазіргі жоспарға сәйкес, кешенде ұлттық нақыштағы бірегей қолөнер бұйымдарын даярлайтын және қолөнер технологиясын оқытатын ірі шеберхана салынады. Негізгі мақсат – туристерді тарту, кәсіпкерлікті дамыту
Жаңа жоба Түркістан облысының әкімі Дархан Сатыбалдының төрағалығымен өткен басқосуда талқыланды. Қолөнершілер қалашығынының жалпы аумағы – 9 мың шаршы метр. Бұл жоба әлі де терең талқыланып, тиісті шешім қабылданады, - дейді әкімдік мамандары.
Сондай-ақ, жаңа қалашықта қонақүйлер мен ас үйлер салынады. Көрме немесе Showroom орналасады. Алдағы уақытта өңірде қолөнершілерге қолдау көрсету арқылы жұмыс орындарын ашу, туризмді дамыту шаралары да жоспарланып отыр.