БҚО-дағы тікұшақ апаты: сақтандыру төлемақысын «Евразия» СК төлейді
Апат салдарынан 4 адам қаза тауып, 2 адам зардап шекті
23 ақпанда БҚО аумағында жерге соғылып қонған «Қазавиақұтқару» тікұшағы үшін сақтандыру төлемақысын «Евразия» сақтандыру компаниясы төлейді. Тікұшақты «Евразия» СК әуе көлігін ерікті сақтандыру және әуе көлігі иелерінің үшінші тұлғалар алдындағы азаматтық-құқықтық жауапкершілігі шарты бойынша сақтандырған.
Естеріңізге сала кетейік, 23 ақпанда Орал қаласынан 54 шақырым жерде қатты боран әсерінен «Қазавиақұтқару» Ми-8 тікұшағы апатты жағдайда қонды. Тікұшақ «Казтрансойл» АҚ тапсырысымен сынап құбырын жоғарыдан бақылауға шыққан. Апат кезінде бортта бес экипаж мүшесі және бір жолаушы болған. Апат салдарынан 4 адам қайтыс болып, екі адам зардап шекті. Әуе көлігі едәуір зақымданған.
ТЖМ «Казаваиспастың» төрт қызметкері қайтыс болғанын хабарлады. Зардап шеккен қалған екі адам медициналық бөлімшелерге жеткізілді. Дәрігерлер олардың жағдайын бірқалыпты деп бағалады.
Қазір оқиғаның мән-жайы анықталып жатыр. «Евразия» СК тиісті шешім шыққаннан кейін сақтандыру төлемін бірден жүзеге асырады.