Сәтпаев қаласында 5 жасар қызды ұрлаған күдіктіге байланысты дау туды

Аймақ
24.07.2020, 10:57

Оқиға орнына Қарағанды облысының әкімі Жеңіс Қасымбек шықты

Сәтпаев қаласында 5 жасар қызды ұрлаған күдіктіге байланысты дау туды
скриншот: youtube

23 шілдеде 21.00-де Жезқазған қаласының тұрғыны Сәтбаев қаласы полиция бөліміне жүгініп, 5 жасар қызының жоғалып кеткенін хабарлады. Сәтбаев қаласының полиция бөлімінің жеке құрамы мен еріктілер қатысқан іздестіру шараларының нәтижесінде бала көпқабатты үйдің пәтерлерінің бірінен табылды. Баланы қазіргі уақытта ауруханада дәрігерлер қарауда. Күдікті қамауға алынды.

Алайда, ондаған адам (5 жасар қыздың жақындары) күдіктіні өз қолдарына тапсыруды талап еткен. Тәртіпсіздікке жол бермеу үшін құқық қорғау күштері жұмылдырылды.  

Кейбір дереккөздерде Сәтпаев қаласындағы 5 жасар қызға қатысты жанжалдың ушыққанын хабарлайды. Ал, Қарағанды облысы әкімдігінің баспасөз қызметі Сәтбаев қаласындағы жағдай тұрақтанғанын, оқиға орнына Қарағанды облысының әкімі Жеңіс Қасымбек шыққанын хабарлады.

«Күдікті ұсталды. Ұсталған азаматтың үйінің жанында күдіктіні олардың қолына беруді талап ететін бір топ адамдардың жиналған. Тәртіпсіздіктердің жолын кесу үшін құқық қорғау органдарының күш-жігері жұмылдырылған.Қазіргі уақытта қаладағы жағдай тұрақтанды, адамдар оқиға орнынан тарқасты. Қарағанды облысының әкімі Жеңіс Қасымбек Сәтбаевқа жол тартты. Құқық қорғау органдары осы жағдай бойынша әділ және адал тергеу жүргізу үшін барлық күш-жігер жұмсалатынын жеткізді. Халықтан арандатушылыққа жол бермеуді сұраймыз», - дейді облыс әкімдігінің ресми хабарламасында.

Сұхбат

PhotoRoom