«Бақытты отбасы» партиялық жобасы әлеуметтік осал топтарға көмек көрсетеді

Аймақ
03.03.2023, 13:10

Шымкент қаласында алдағы 5 жыл ішінде «Бақытты жанұя» атты орталықтар ашылуы мүмкін

«Бақытты отбасы» партиялық жобасы әлеуметтік осал топтарға көмек көрсетеді

Бүгін AMANAT партиясы Шымкент қалалық филиалының фронт-офисінде сайлауалды үгіт-насихат науқатының аясында кезекті кездесу өтті. Жиынға партияның қалалық филиалының атқарушы хатшысының орынбасары Бекайдар Төлегенов төрағалық етті. Онда «Бақытты отбасы» партиялық жобасының Шымкент қаласында жүзеге асырылу барысы мен жобаның шымкенттіктерге қандай мүмкіндіктер ұсынатыны талқыға салынды.

AMANAT партиясы көпбалалы отбасыларды, мүмкіндігі шектеулі, ерекше қажеттіліктері және аз қамтамасыз етілген азаматтарды әлеуметтік тұрғыда қолдау және олардың өмір сүруіне қолайлы орта қалыптастыруды тоқтатпайды. Мәселен, «Бақытты отбасы» партиялық жобасы көп балалы және әлеуметтік аз қамтылған отбасыларға жүйелі қолдау көрсетуге бағытталған.

Шымкент қаласында осы жоба аясында жыл сайын көпбалалы, жалғызбасты және аз қамтылған 500 отбасыға қолдау көрсетіледі. Жоба аясында жүзеге асырылып жатқан маңызды іс-шараның бірі – инклюзивті білім беруді дамыту. Алдағы бес жылдықта қаладағы барлық мектептерде осы мақсатта ресурстық кабинеттер ашылады.

Сонымен қатар, партия Шымкент қаласында 2023-2027 жылдары аралығында «Бақытты жанұя» атты 5 орталық ашылуына ықпал жасайды. Үкіметтің алдына аз қамтамасыз етілген отбасылардың балаларына арналған бөлек жәрдемақы белгілеу міндетін қояды.

Шымкент қаласы мәслихаты депутаттарының сайлауында партиялық тізімді ұсынған "AMANAT" партиясы Сайлау қорының қаражатынан төленді.

Сұхбат

PhotoRoom