Педофилді қолға түсірген алматылық полицей «Айбын» орденімен марапатталды

Тұлға
27.07.2020, 13:49

Ол кәмелетке толмаған адамды тонау мен зорлау қылмысына қатысы бар күдіктіні ұстады

Педофилді қолға түсірген алматылық полицей «Айбын» орденімен марапатталды
фото: polisia.kz

Қазақстан Президенті Қасым-Жомарт Тоқаевтың жарлығымен Алматыда педофилді ұстаған полиция майоры Бақытжан Бәкіров ІІ дәрежелі «Айбын» орденімен марапатталды. Бұл туралы Ішкі істер министрлігінің баспасөз қызметі хабарлады.

«Қызметтік міндетін атқару кезінде батылдық пен қайсарлық көрсеткені үшін Ішкі істер министрлігі Алматы қалалық Полиция департаментінің Түрксіб аудандық полиция басқармасының жедел уәкілі Бақытжан Әнуарбекұлы Бәкіров ІІ дәрежелі «Айбын» орденімен марапатталсын», - делінген жарлық мәтінінде.

Естеріңізге сала кетейік, 11 шілде күні 36 жастағы алматылық полиция қызметкері Бақытжан Бәкіров қылмыскерді ұстау кезінде 13-қабаттан секіріп кеткен еді. Ол кәмелетке толмаған адамды тонау мен зорлау қылмысына қатысы бар күдіктіні ұстады.

Сұхбат

PhotoRoom