Алтай Көлгінов: Жедел жәрдемге жүгіну саны тәулігіне үш есеге азайды

Аймақ
28.07.2020, 10:05

Нұр-Сұлтан әкімі Үкімет отысында карантин шараларына байланысты қаладағы ахуал қалай өзгергенін айтып берді

Алтай Көлгінов: Жедел жәрдемге жүгіну саны тәулігіне үш есеге азайды
фото: astana.gov.kz

Қала басшысының айтуынша, денсаулық сақтау ұйымдарына түсетін салмақ едәуір азайған. Нақтырақ айтқанда:

  • жедел жәрдемге жүгіну саны тәулігіне 4300-ден 1600-ге дейін, яғни 3 есеге төмендеді;
  • КВИ бойынша жедел жәрдемге жүгіну 500-ден 73-ке дейін азайды;
  • жалпы шақырулар саны тәулігіне 3 мыңнан 1000-ға дейін төмендеді;
  • пневмониямен жатқан азаматтар саны 45%-ке (1348 ден – 746 ға деін)  азайды;
  • стационарлардың жүктемесі 99%-тен 45%-ке дейін төмендеді.

Ауруханаларға қосымша 500 арнайы жабдықдалған төсек-орын, 350 оттегі концентраты, 150 флуометр және 2 компьютерлік томограф алынған. Қосымша тағы да медициналық жабдықтар сатып алу жоспарланып отыр екен. Компьютерлік томограф арқылы тұрғындарды тәулік бойы тексеру жүргізіліп жатыр. Нәтижесінде стационарларға түскен салмақ едәуір азайған.

Медициналық кадрлар бойынша:

Қаладағы колледждерден 275 жас маман емханаларда жұмысқа орналасты. Медициналық университеттен 300 студент жұмылдырылды. Олардың 71 жұмысын бастап кеткені. Жалпы алғанда оқу орындарынан 500-ден астам жас медициналық маман тартылып отыр. Оларға елордалық дәрігерлермен бірдей еңбек және демалыс жағдайы қарастырылған.

Дәрі-дәрмек қоры бойынша:

Дәріханалық желілердің дистрибьютерлеріне логистика, дәрі-дәрмектерді сатып алу және қалаға жеткізу рәсімдерін жеңілдету мәселелері бойынша қолдау көрсетілуде. Сонымен қатар, дистрибьютерлерге дәрі-дәрмектерді сатып алу үшін айналым қаражаты бөлінді. 12 шілдеден бастап елордаға Түркия, Ресей, Үндістан және басқа да елдерден сұранысқа ие фармакологиялық топтарға кіретін 110 тоннадан астам медициналық препараттардың 4,5 миллион қаптамасы жеткізілді. Дәрі-дәрмектер дәріханалардың ірі желілеріне теңдей бөлініп жеткізілген, қазір шамамен 1-айға жеткілікті қор бар.

Сұхбат

PhotoRoom