Түркістанда 7 мың адамға лайықталған футбол стадионы пайдалануға беріледі

Фоторепортаж
28.07.2020, 15:47

Түркістанда ондаған спорт ғимараты ел игілігіне беріледі деп жоспарланған

Түркістанда 7 мың адамға лайықталған футбол стадионы пайдалануға беріледі
фотолар: Түркістан облысы әкімдігі

Түркістан қаласында спорттық инфрақұрылымын дамыту жолында бірнеше ғимарат бой көтерген. Бүгін облыс басшысы Өмірзақ Шөкеев қаладағы жаңа спорт нысандардың құрылыс алаңдарын аралады. Бұл туралы Түркістан облысы әкімінің баспасөз қызметі хабарлайды.

Түркістан өңірінде дүниежүзі бойынша кең тараған спорт түрі - футболды дамыту мақсатында УЕФА-ның халықаралық талаптарына сай 7000 адамға лайықталған алып стадион құрылысы жүргізілуде. 2 спорт зал, әлемдік аренаға жауап беретін табиғи футбол алаңы, әкімшілік бөлмелер бар спорт кешені биыл пайдалануға беріледі. Жаңа стадионда облыс құрамасының оқу-жаттығу жиындары және облыстық, республикалық және халықаралық жарыстар өтетін болады.

Сонымен қатар, Түркістан облысының спортының дамуына үлесін қосатын бассейні бар спорт кешенінің құрылыс жұмыстары да қарқынды түрде жүргізілуде. Құрылысы аяқталуға таяған заманауи талаптарға сай спорт кешенінде ұлттық құрама мүшелері мен облыстың жас спортшылары да жаттығатын болады.

Жалпы, Түркістанда ондаған спорт ғимараты ел игілігіне беріледі деп жоспарланған.

Сұхбат

PhotoRoom