Алматыда Денис Теннің өліміне қатысты істі қараған судья қайтыс болды

Тұлға
28.07.2020, 15:58

Кеңшілік Әбділдинов 1963 жылдың 28 қазанында дүниеге келген

Алматыда Денис Теннің өліміне қатысты істі қараған судья қайтыс болды
фото: facebook.com/qylmystyq.soty

Алматы қаласының қылмыстық істер жөніндегі мамандандырылған ауданаралық сотының баспасөз қызметі аталмыш соттың судьясы Кеңшілік Әбділдиновтің қайтыс болғаны жайлы қаралы хабарды жеткізді.

«Алматы қалалық соты, Соттар әкімшісі, Алматы қаласының қылмыстық істер жөніндегі мамандандырылған ауданаралық соты атынан әріптесіміз, Алматы қаласының қылмыстық істер жөніндегі мамандандырылған ауданаралық сотының судьясы Әбділдинов Кеңшілік Кеңесұлының қайтыс болуына байланысты жұбайына, отбасына, туған-туысқандарына, жақындарына қайғысына ортақтасып, көңіл айтамыз. Үлкен қайғы. Жарқын бейнеңіз әрқашан есімізде», - делінген хабарламада.

Кеңшілік Әбділдинов 1963 жылдың 28 қазанында дүниеге келген.

1990 жылы С.М. Киров атындағы Қазақ мемлекеттік университетін бітірген.

1992 жылы Әділет органдарында,

2000 жылы Қазақстан Республикасы Жоғарғы Соты аппаратында қызмет атқарған.

2003 жылдан Алматы облыстық сотының судьясы;

2013 жылдан бастап Алматы қаласының қылмыстық істер жөніндегі мамандандырылған ауданаралық сотының судьясы болды.

Сондай-ақ ол Сочи олимпиадасының жүлдегері, мәнерлеп сырғанаушы Денис Теннің өліміне қатысты қылмыстық істі қараған.

Сұхбат

PhotoRoom