Әкімдер Президентке өңірдегі эпидемиологиялық ахуал жайында баяндады

Әлеумет
28.07.2020, 16:55

Олардың айтуынша, жалпы жағдай тұрақталып келеді

Әкімдер Президентке өңірдегі эпидемиологиялық ахуал жайында баяндады
Фото: akorda.kz

Мемлекет басшысына Нұр-Сұлтан, Алматы, Шымкент қалаларының, Алматы, Ақмола, Ақтөбе, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар, Солтүстік Қазақстан облыстарының әкімдері аталған өңірлердегі санитарлық-эпидемиологиялық ахуал жайында баяндады. Бұл туралы ҚР Президентінің баспасөз хатшысы Берік Уәли хабарлады.

Әкімдердің айтуынша, коронавируспен ауырғандардың қатары азайып, сауығып шыққан науқастардың саны көбейген. Жалпы жағдай тұрақталып келеді. Төсек-орындар мен дәрі-дәрмектердің қоры жасалған.

«Президент ахуалды қатаң бақылауда ұстап, аталған міндетке басым бағыт ретінде мән беруді тапсырды. Бұл ретте карантин шараларын сақтаудың маңызды екені және халыққа түсіндіру жұмыстарын белсенді түрде жүргізе беру керектігі айтылды», - деп жазды Берік Уәли.

Сұхбат

PhotoRoom