Шымкент әкімі онлайн форматта азаматтарды жеке мәселесі бойынша тыңдады

Аймақ
31.07.2020, 13:14

Биыл қалада 300-ден астам аула абаттандырылады

Шымкент әкімі онлайн форматта азаматтарды жеке мәселесі бойынша тыңдады

Шымкент қаласының әкімі Мұрат Әйтенов онлайн форматта азаматтардың жеке мәселелерін тыңдады. Бұл туралы қала әкімдінінің баспасөз қызметі хабарлайды.

Әр аптаның жұма күндері өтетін онлайн қабылдауда қала тұрғындары аулаларды абаттандыру, кәсіпкерлікті қолдау мәселесі мен көшеге атау беру, тарихи тұлғаларға ескерткіш орнату және білім салаларына қатысты сұрақтарын жолдады.

Қала әкімі барша азаматтардың өтініштері мен ұсыныстарын мұқият тыңдап, бірінші көтерілген абаттандыру бойынша жұмыстар рет-ретімен шешімін табатынын жеткізді.

Сонымен қатар биыл Шымкенттегі 300-ден астам аула абаттандырылып, ойын және спорт алаңшалары жаңартылып жатқанын атап өтті. Ал атауы жоқ көшелерге атау беру заң талаптары шегінде қаралып, мараторий ашылғанда тиісті жұмыстар жүргізілетінін айтты.
Қабылдау барысында көтерілген басқа да сауалдар бойынша қала әкім басқарма басшылары мен аудан әкімдеріне әрбір өтінішті жеке қарауды айтып, тиісті жұмыстарды жүргізу үшін нақты тапсырмалар жүктеді.

Сұхбат

PhotoRoom