Мәжіліс депутаттығына кандидат Қарағанды облысында шахтерлермен кездесті
Арман Қалықов көмір өнеркәсібінде 30 жылдан астам еңбек етті. 1991 жылы Шахтинск қаласының Ленин атындағы шахтаның тазарту кенжарының жерасты тау-кен жұмысшысы болып жұмыс істей бастады. Көптеген жылдар өткен соң «АрселорМиттал Теміртау» АҚ Көмір департаментінің директоры болды.
Бүгінгі кеншілермен кездесудің мақсаты AMANAT партиясының сайлауалды бағдарламасының, сондай-ақ Мәжіліс депутаттығына кандидат Арман Қалықов ұсынатын платформаның мәнін түсіндіру.
Арман Қобыландыұлы өз сөзінде партияның сайлауалды бағдарламасы ең алдымен сайлаушыларды толғандыратын мәселелерге негізделгенін баяндады. Сонымен қатар, ол жұмыс берушінің жауапкершілігі мен өндірістегі қауіпсіздіктің артуы, зиянды және қауіпті өндірістерде жұмыс істейтін қызметкерлердің ерте зейнетке шығуы туралы атап өтті.
«Әр қызметкер қорғалуы керек. Сұрақтар көп. Дегенмен біз алдымызға қойылған міндеттерді шешетін боламыз», - деп атап өтті Арман Қалықов.
Ол сондай-ақ кеншілердің проблемалары мен ұсыныстарын тыңдады. Кеншілер ең өзекті мәселелердің бірі зейнеткерлік жасты төмендету екенін атап өтті. Саран шахтасының кеншілері Арман Қалықовтың кандидатурасына қолдау білдірді.
Қарағанды облыстық мәслихат депутаттарының сайлауында партиялық тізімді ұсынған "AMANAT" партиясы Сайлау қорының қаражатынан төленді.