Ауылда өмір сүру деңгейін арттыру курсы: депутаттыққа кандидаттар Нұра ауданына барды

Өңірде ҚР Парламенті Мәжілісінің және барлық деңгейдегі мәслихаттардың депутаттығына алдағы сайлау шеңберінде үгіт-насихат жұмыстары жалғасуда. Депутаттыққа кандидаттар Гүлнар Бижанова, Юрий Жулин және Талғат Өтеубаев Нұра ауданының еңбек ұжымдарымен кездесті. Кездесуде AMANAT партиясының сайлауалды бағдарламасында негізгі аспектілердің бірі ауылдағы өмір сүру деңгейін арттыру, жас және перспективті мамандарды тарту, еңбек жағдайларын жақсарту стратегиясы болып табылатыны атап өтілді. Партияның сайлауалды тұғырнамасының маңызды басымдықтарының бірі инфрақұрылымды дамыту болып табылады. Айта кету керек, жұмыс қазірдің өзінде басталып, оң өзгерістер байқалуда.

«Сіздер білесіздер, ауылдарды дамыту-мемлекет алдында тұрған маңызды міндеттердің бірі. Президенттік өкілеттігі аясында ол ауылдық аумақтарды дамыту тұжырымдамасын әзірлеуді тапсырды. Сондай-ақ, Қасым-Жомарт Тоқаев тұжырымдаманы әзірлеуге жергілікті жерлерде сарапшыларды, қоғамшылдарды барынша тарту керектігін атап өтті. Сондықтан кездесулерде біз әрқашан еңбек ардагерлерінің пікірін тыңдаймыз, олар өз кезегінде тәжірибелерімен бөлісуге дайын. Мен өзім үшін бұл сөздерді қажетті хабар ретінде қабылдадым. Өйткені, қазақстандықтардың 42%-ы ауылдарда тұрады», - деді Гүлнара Бижанова.

«Шахтерское» ЖШС қызметкерлерімен кездесуде депутаттыққа кандидаттар қойылған міндеттерді шешу үшін ұсынатын стратегиясы туралы баяндады. Гүлнара Бижанова көптеген жылдар бойы ауылдық аудандардағы проблемалардың бірі білікті мамандардың жетіспеушілігі екенін атап өтті. Ол үшін жоғары оқу орындарының жас түлектеріне мемлекеттік бағдарламаларды пайдалану ұсынылады.

«Біз жастардың шалғай аудандарға жұмыс істеу құлшынысының аз екенін түсінеміз. Сондықтан біз бұл мәселені бақылауға алдық және қазір жас мамандар үшін мүмкіндіктер ұлғайтылды. «Дипломмен ауылға» бағдарламасы өзін оң жағынан көрсетті. Бірте-бірте біз кадрлар тапшылығын шешеміз», - деп атап өтті депутаттыққа кандидат Гүлнара Бижанова.

Депутаттыққа Кандидат Юрий Жулин Ауыл шаруашылығын дамыту саласында негізгі өзгерістер болғанын айтты.  Ол партия ауыл тұрғындарының әл-ауқаты мен өмір сүру сапасын арттыру үшін шаралар кешенін қабылдауды мақсат етіп қойғанын атап өтті. Ел Президентінің тапсырмасы бойынша өңірлердің әкімдіктерімен бірлесіп жерді бөлудің мониторингтік картасы құрылады. Бұл ауыл тұрғындары үшін бірқатар мәселелерді шешеді.

Қарағанды облыстық мәслихат депутаттарының сайлауында партиялық тізімді ұсынған "AMANAT" партиясы Сайлау қорының қаражатынан төленді.