1 қыркүйектен бастап 2,6 миллион оқушы қашықтан оқытылады – Білім министрі

Әлеумет
04.08.2020, 10:15

700 мыңға жуық оқушы штаттық режимде білім алады

1 қыркүйектен бастап 2,6 миллион оқушы қашықтан оқытылады – Білім министрі
фото: acebook.com/askhat.aimagambetov

Білім және ғылым министі Асхат Аймағамбетов 1 қыркүйектен бастап оқу жылы жалпы қашықтан оқыту форматында басталатынын тағы да еске салды.

Алайда, қабылданған шешімге сәйкес бұл жерде екі ерекшелік бар:

Біріншіден, шалғайдағы елді мекендердегі шағын жинақталған мектептер эпидемиялық ахуал жақсы болған жағдайда оқуды дәстүрлі түрде бастайды.

Екіншіден, бастауыш сынып оқушылары үшін, ата-аналардың өтініші негізінде, қатаң санитарлық талаптарды сақтай отырып, кезекші сыныптар ашылады.

Кезекші сыныптарға өтініштер қол жетімді байланыс құралдары арқылы электронды түрде қабылданады.

Министрдің айтуынша, алдын ала болжам бойынша, интернет платформалар мен теледидарды пайдалана отырып, қашықтан оқыту форматында 2,6 миллион оқушы (79%), кезекші сыныптарда - 530 мың бала (17%), штаттық түрде ауылдарда 157 мыңнан астам оқушы (4%) білім алады деп күтілуде.

Сұхбат

PhotoRoom