«Қайрат» командасы Еркебұлан Сейдахметті «Жетісуға» жалға берді

Жаңалықтар
06.08.2020, 18:29

Сейдахмет жыл соңына дейін «Жетісу» сапында өнер көрсетеді

«Қайрат» командасы Еркебұлан Сейдахметті «Жетісуға» жалға берді
фото: fckairat.com

Алматылық «Қайрат» футбол клубының жас шабуылшысы Еркебұлан Сейдахмет «Жетісу» сапына ауысты. Бұл туралы алматылық клубтың ресми сайтында хабарланды. 

20 жастағы Сейдахмет жыл соңына дейін «Жетісу» сапында өнер көрсетеді.

«Еркебұлан Сейдахмет негізгі құрамда көбірек ойнау үшін басқа командаға ауысу туралы ниет білдірді. Клуб футболшының бұл ойын қолдады. «Қайрат» ұжымы Еркебұланға «Жетісу» сапында жақсы өнер көрсетіп, жетістікке жетуін тілейді», - делінген хабарламада.

Еске салайық, Сейдахмет алматылық «Қайрат» командасының сапына 2019 жылы ауысты. Биыл ол алматылық клуб сапында 12 кездесуге қатысып, бір гол соғып, бір нәтижелі пас берді.

Сұхбат

PhotoRoom