Қазақстанда КВИ және вирустық пневмония жұқтырған 1,2 мыңнан астам дәрігер өтемақы алды

Жаңалықтар
04.09.2020, 15:32

Індеттен қайтыс болған 10 дәрігердің отбасына 10 млн теңгеден берілді

Қазақстанда КВИ және вирустық пневмония жұқтырған 1,2 мыңнан астам дәрігер өтемақы алды
Фото: ашық дереккөзден

Медсақтандыру қоры COVID-19 инфекциясын жұқтырған және вирустық пневмониямен ауырған 1208 медицина қызметкеріне өтемақы төледі. Сондай-ақ індеттен қайтыс болған 8 медицина қызметкерінің туыстарына 10 млн теңгеден төлем аударылды.

Өңірлер арасында COVID-19 жұқтыру немесе вирустық пневмониямен ауыру салдарынан ең көп төлем алған – Нұр-Сұлтан (227) және Алматы қалаларының (128), Алматы (99), Қарағанды (95) Ақмола (94) облыстарының медицина қызметкерлері.

Айта кетейік, коронавирус инфекциясын жұқтырған немесе вирустық пневмониямен ауырған медицина қызметкерлеріне – 2 млн теңге өтемақы, ал коронавирус инфекциясын жұқтырып немесе вирустық пневмониямен ауырып қайтыс болған дәрігерлердің отбасына 10 млн теңге көлемінде өтемақы төленеді.

Сұхбат

PhotoRoom