КОНДОМИНИУМ – ТҰРҒЫН ҮЙДІ БАСҚАРУДЫҢ ТИІМДІ ТӘСІЛІ

Шымкент қаласының қалалық орта сапасы және бақылау басқармасының ағымдағы жылдың алғашқы 5 айында атқарған жұмысының есебі тыңдалды. Өңірлік коммуникация орталығында өткен брифингте қала аумағында жылжымайтын мүлік иелері бірлестіктерінің институтын енгізу бойынша реформаны іске асыруды қамтамасыз ету мәселесі қаралды.

Үкімет пен әкімдер Мемлекет басшысының тапсырмасын орындау шеңберінде мүлік иелері бірлестіктерінің институтын енгізу жөніндегі реформаны іске асыру мақсатында пайдаланбақ. Бұл реформа тұрғын үйді ұстауға арналған нысаналы алымдарды жұмсаудың толық ашықтығы және КЖТ өзін — өзі басқаруды енгізу үшін «бір үй — бір бірлестік-бір шот» қағидаты бойынша мүлік иелерін біріктірудің жаңа нысанын құруға бағытталған. Мұндай екі нысан-мүлік иелерінің бірлестігі (МИБ) және қарапайым серіктестік болмақ.
Мемлекеттік құрылымдардың ақпараты бойынша, қазіргі уақытта Шымкентте ресми түрде: 157 - жылжымайтын мүлік иелерінің бірлестіктері (МИБ); 1699 ж. – жай серіктестік (ПП); 1856 – басқару объектісінің жалпы тіркеу нөмірі жұмыс істейді.

Тұрғын үй-коммуналдық шаруашылық мәселелері бойынша жаңа заң негізінде тұрғын үй кешені тұрғындары мүлік иелерінің бірлестігін (МИБ) құра алатыны туралы айтылған. МИБ деген не және қандай артықшылығы бар? Мүлік иелерінің бірлестігі – үйді басқарудың жаңа формасы. Ол бірқатар артықшылыққа ие. Бірінші кезекте бұл көппәтерлі үйлердегі ортақ мүлікті пайдалануға бөгде ұйымдардың емес, меншік иелерінің өздері жауап беретіндігімен ерекше. 

МИБ басқару формасы пәтер иелеріне үйді басқару, бөлінетін қаражат сомасы және оны қандай қажеттіліктерге жұмсау керектігін, қызмет жеткізушісін және оларды ұсыну жиілігін таңдауға мүмкіндік береді. Тәжірибе жүзінде сыртқы ұйымдар көппәтерлі тұрғын үйлердегі жалпы үй мүлкін басқару және күтіп ұстау секілді міндеттерін тиісті деңгейде атқармайтынын көрсетіп отыр. Меншік иелері өздері төлейтін 100% тарифтің ай сайын 30%-ы басқаруға, ал 70%-ы жалпы үй мүлкін пайдалану және ұстау қағидаты бойынша жұмсалатынын білуі тиіс. ПИК пен өзге де ұйымдардың үйді күтіп ұстау жөніндегі міндеттерін орындамайтыны туралы шағым тұрғындар тарапынан жиі-жиі қозғалатыны жасырын емес. Мұндай жағдайлардың алдын алу үшін үй иелері басқару формасын, атап айтқанда МИБ-ті таңдап, жиналыс өткізіп, оны тіркеуі керек. Ол жұмыстың бәрі аудандық әкімдітермен тығыз байланыста жүзеге асырылады.