Нұр-Сұлтанда спортшыларға арналған диспансер ашылады

Аймақ
11.02.2021, 17:34

Спортшылардың ұсыныс қала басшылығынан қолдау тапты

Нұр-Сұлтанда спортшыларға арналған диспансер ашылады

Нұр-Сұлтан қаласында спортшылар үшін жеке дене шынықтыру және қалпына келтіру диспансері ашылады. Елорда спортшыларына физикалық диспансер қызметін 2014 жылдан бастап Нұр-Сұлтан қаласы әкімдігінің №5 қалалық емхана жүзеге асырады.

Спортшыларға мамандардың тереңдетілген тексерулері, зертханалық тексерулер басқа да пациенттермен жалпы кезекте жүргізіледі. Бұл өз кезегінде спортшыларға түрлі қолайсыздық туғызып және олардың дайындығы мен сауықтыру процесінің сапасына әсер етеді.

Осыған байланысты спортшылар елорда әкімі Алтай Көлгіновпен кездесуде жеке медициналық мекеме бөлуді сұрады. Ұсыныс қолдау тапты.

Аталған диспансер спортшыларға тереңдетілген медициналық тексерулер жүргізіп, оңалту және денсаулықтарын қалпына келтіруге мүмкіндік береді. Сондай-ақ олардың жарақаттануы, емделуін және қалпына келуін ескере отырып, уақыты тексеруді, денсаулықтарын бақылауда ұстауды қамтамасыз ету үшін білікті спорт дәрігерлерін де тарту қолға алынады деп жоспарлануда.

Орталық спорттық дәрігерлермен қатар психологтар, массажистер және спортшылардың тамақтануын қадағалайтын арнайы мамандармен де қаматамасыз етіледі.

Тегтер:
Нұр-Сұлтан

Сұхбат

PhotoRoom