Кеше, 11 қараша күні «Сыр медиа» ЖШС жанындағы облыстық коммуникация орталығында Қазақстан халқы Ассамблеясы мен ҚР Конституциясының 20 жылдығына арнап «Ауыл шаруашылығы жер пайдаланушыларға жерді ұтымды пайдалану Қағидалары талаптарының сақталуы» тақырыбы аясында Қызылорда облысының жердің бақылауы мен қорғалуын бақылау басқармасының бөлім басшысы Нұржан Қарақожаев БАҚ өкілдерімен брифинг өткізді. Бұл туралы облыс әкімі аппаратының баспасөз қызметі хабарлады.
Брифингке сондай-ақ, облыстық жер қатынастары басқармасының бөлім басшысы Сұлушаш Айтбаева мен облыстық ауылшаруашылығы басқармасы басшысының орынбасары Омархан Пашкенов қатысты.
Жер заңдарын бұзу ешқашан күн тәртібінен түскен емес. Осы тұрғыда тексерулер де жүргізіліп отырады. Тексеру нәтижесімен айта кету керек, жыл басынан бері 9 шаруа қожалығынан 1900 гектар қолданылмаған жерлер анықталған. Бүгінде заңнаманы бұза отырып пайдаланылған жер учаскенің меншік иесінің ақпараттары сотқа жіберілген.