Ертең Владимир Путин Қырымға барып, халық алдына шығып сөйлейді. Президентпен қатар ол жаққа Мемлекеттік Думаның 140 депутаты мен Фелерация Кеңесінің өкілдері ілесіп барады. Бір сөзбен айтқанда Федералды Жиынның көшпелі отырысы өтеді.
Путин Қырымға не үшін барады?
Ресейге жеңіл әрі тез қосылған кезде қырымдықтардың басым көпшілігі бұл өзгерісті энтузиазммен қабылдады. Содан кейін орыс қазынасы соншалықты қалың емес екенін, бұрынғыдай туристердің де көптеп келмейтінін білген жергілікті тұрғындар алаңдай бастаған. Егер жағдай осы күйінде қала берсе, зейнеткерлер, әскерилер мен бюждеттік мекеме қызметкерлері емес, өндірісті еңбекпен жеке меншік иелері ойнала бастайды. Сондықтан Путин бірінші кезекте, Мәскеу тек геосаяси мүдделерді ғана емес, қырымдықтардың да жағдайын ойлайтынын айту үшін бара жатыр.
Сонымен Путин не айтады?
Ресей Президенті жалпылама сөздермен шектеле ме, әлде нақты жобаларды сөз етіп, Керчен арқылы салынбақ көпірдің құрылысы мен салынатын қаржы мөлшерін қозғай ма, сол жағы қызық болып тұр.
Медведевтің Оңтүстік Курилдерге жасаған сапарында экономикалық бум бола қойған жоқ. Сондықтан Путин қырымдықтардың үкілі үміттері мен қалған халықтың көңіл-күйінің арасында тепе-теңдік сақтауға тырысады. Халық арасында сарказммен "Жолдас, зейнетақы, жалақыларды Қырыммен бөліс!" деген әңгімелер жүріп жатыр.